ഒരു കഥ ഒരു നുണക്കഥ

ശനിയാഴ്ചകളില്‍ അപ്പു ഒറ്റക്കാണ്. അഛനും അമ്മയും ജോലിക്കു പോയാല്‍ അപ്പു വീട്ടില്‍ ഒറ്റക്കാകും. അങ്ങനെ ഒരു ശനിയാഴ്ച്ച പതിവുപോലെ അമ്മ ജോലിക്കു പോകുന്നതും നോക്കിയിരിക്കെ പെട്ടന്നാണ്‍ അപ്പുവിന്‍റെ കണ്ണില്‍ ജനലിലിരിക്കുന്ന പൊതി വന്നു പെട്ടത്.

ആകാംക്ഷയോടെ ജനലിലിനടുത്തെത്തുമ്പോഴേക്കും പൊതി പുറത്തെ ചാറ്റല്‍ മഴയിലേക്കു മറിഞ്ഞു വീണിരുന്നു. ഉടനെ വാതില്‍ തുറന്ന് പുറത്തെത്തിയപ്പോള്‍ അപ്പു കണ്ട കാഴ്ച, പൊതിയില്‍ നിന്നു ഒരു ചെറിയ ആനക്കുട്ടി എഴുന്നേറ്റ് ഓടുന്നു പുറകെ ഒരു വലിയ ആനയും.

ഒരു നിമിഷം തരിച്ചു നിന്നു പോയ അപ്പു അവരുടെ പുറകെ ഓടി. ഓടി ഓടി അവരൊരു പുഴക്കരയിലെത്തി. ഒട്ടും ആലോചിക്കതെ ചെറിയ ആനക്കുട്ടി പുഴ ചാടി അപ്പുറത്തെത്തി., വലിയ ആനക്കത്ര എളുപ്പത്തില്‍ ചാടിക്കടക്കനായില്ല. എങ്കിലും ഒഴുക്കില്ലതെ സ്ഫടികം പോലെ കിടന്നിരുന്ന പുഴയുടെ മീതെക്കൂടി ആന അപ്പുറത്തേക്കു ഓടിക്കടന്നു, പിന്നാലെ അപ്പുവും.

പിന്നെയും കുറെ ദൂരം അവര്‍ ഓടി, കുറച്ചു കൂടി ചെന്നപ്പോള്‍ ഒരു ഓലപ്പുരക്കു മുന്പില്‍ ഒരു കിണ്ടിയിരിക്കുന്നു, ചെറിയ ആനക്കുടി കിണ്ടിയിലേക്കു ചാടി അതിന്‍റെ വാല്‍ ഭാഗത്തുകൂടി പുറത്തേക്കു കടന്നു, വലിയ ആനയും അതുപോലെ തന്നെ ചെയ്തു, പക്ഷെ വലിയ ആനയുടെ വാലു മാത്രം പുറത്തേക്കു വന്നില്ല, വാലില്‍ കുടിങ്ങിയ കിണ്ടിയുമായി വലിയ ആന ചെറിയ ആനയുടെ പുറകെ ഓട്ടം തുടര്‍ന്നു.

ഇനിയും ഓടാന്‍ വയ്യാതെ പോയ ചെറിയ ആനക്കുട്ടി അടുത്തു കണ്ട ആല്‍മരത്തിലേക്കു പിടിച്ചു കയറി. പിന്നാലെ എത്തിയ വലിയ ആനക്കു ആലില്‍ കയറാനായില്ല, എങ്കിലും പ്രതീക്ഷ വിടാതെ ആല്‍ മരച്ചുവട്ടില്‍ വലിയ ആന കാത്തിരുന്നു.

കുറച്ചു കഴിഞ്ഞപ്പോള്‍ ചെറിയ ആനക്കുട്ടിക്കു മൂത്രം ഒഴിക്കാന്‍ തോന്നി, ഒഴിക്കുകയം ചെയ്തു. ഇതു തന്നെ അവസരം എന്നു കരുതിയ വലിയ ആന വള്ളിപോലെ വന്ന മൂത്രത്തില്‍ പിടിച്ചു കയറിത്തുടങ്ങി.

ഭയന്നു പോയ ചെറിയ ആനക്കുട്ടി പെട്ടന്നു മൂത്രം ഒഴിക്കല്‍ നിര്‍ത്തി. പിടിവിട്ടുപോയ വലിയ ആന വലിയൊരു ശബ്ദത്തോടെ മലര്‍ന്നടിച്ചു വീണു ചത്തു പോയി....